主页 > 环球焦点 >大学毕业贺礼要够爆! 送生菜花出位兼环保 >
大学毕业贺礼要够爆! 送生菜花出位兼环保
2020-06-29 阅读:226
话咁快,唔少大学都开咗Sem一段时间,同时都意味住Final Year嘅同学仔,就快要同校园生活讲声Bye Bye。临别之时,大家都会想送番份毕业礼物畀即将毕业嘅同学。除咗公仔、气球、花之外,要有新意之余,仲要顾住个荷包,真係谂唔到送咩好……

你有无谂过送蔬菜花束呢?! 比起送鲜花有创意,又平过送公仔同气球,可以一试!最近喺网上见到中大农业发展组推出预订,同学可以订购蔬菜花束,喺逸夫Photo Day当日送畀毕业生。Idea够新,价钱又平,所以预订十分之受欢迎,名额喺预购第一日已经满晒。

大学毕业贺礼要够爆! 送生菜花出位兼环保
中大农业发展组推出预订蔬菜花束。

经查询后,中大农业发展组话逸夫预订已经截咗单啦,暂时唔会提供加订。但好消息係佢哋讨论紧会唔会推出联合Photo Day嘅订购,咁大家就真係要密切留意一下佢哋个Page啦!

其实蔬菜花束所用嘅蔬菜亦丰俭由人,常用有西兰花、椰菜花、红萝蔔及灯笼椒,已经够Colorful,够哂靓,价钱实惠,唔浪费,仲可以食番,一举好多个得!大家仲记唔记得喺肥妈节目都有出现过蔬菜花呢?!呢一束就加咗白色士多啤梨,係贵价之选~~~

大学毕业贺礼要够爆! 送生菜花出位兼环保大学毕业贺礼要够爆! 送生菜花出位兼环保大学毕业贺礼要够爆! 送生菜花出位兼环保
价钱大约$880

近几年情人节,网上都时不时都会出现自家创作嘅蔬菜花束图,有网民觉得骑呢,讲笑话「女朋友收到会唔会即刻讲分手」,但亦有好多人讚有创意,同时又环保,建议可以拎番屋企,用蔬菜煮餐烛光晚餐。

大学毕业贺礼要够爆! 送生菜花出位兼环保
网民之作。

睇嚟动手Diy都係个唔错嘅选择,所以就搵咗一个外国教学畀大家参考下!

首先,準备好材料,再将所有材料分成小份,每一份都要细细粒。

大学毕业贺礼要够爆! 送生菜花出位兼环保

第二,用铁线串起材料。

大学毕业贺礼要够爆! 送生菜花出位兼环保

第三,将一支支铁线扎埋一齐,记住要有美感呀~

大学毕业贺礼要够爆! 送生菜花出位兼环保

第四,将多余铁线同花茎切走。

大学毕业贺礼要够爆! 送生菜花出位兼环保

最后,另外用铁线将花束扎实,进行定型。

大学毕业贺礼要够爆! 送生菜花出位兼环保

呢束花简直係有新意,够体面。一句讲哂~其实只要有心思,送咩礼物又有咩所谓!

上一篇: 下一篇: